Bana gulaab to kaante chubha gaya ik shakhs
huwa chiraagh to ghar he jala gaya ik shakhs

Tamaam rang mere aur saare Khwab mere
Fasana kah k fasana bana gaya ik shakhs
...
Main kis hawa men uroon kis fazaa men lehraoon
Dukhon k jaal har soo bicha gaya ik shakhs

Palat sakoon men na aage barh sakoon jis par
Mujhe ye kon se raste laga gaya ik shakhs

Mohabbaten bhi ajeeb us ki nafaraten bhi kamaal
Meri tarah ka he mujh men samaa gaya ik shakhs

Wo mahtaab tha marham-ba-dast aya tha
Magar kuch aur siwa dil dukha gaya ik shakhs

Khula ye raaz k aaina-Khaana hai duniya
Aur is men mujh ko tamaasha bana gaya ik shakhs...!!!